السلام عليكم من اكثر الاسئلة التى يبحث عنها المغترب او القادم لقطر عن المصاريف وتكاليف السكن ولذلك سوف نستعرض بعض المعلومات التى قد تفيدك
فى البداية نصيحه اخويه بلاش تحسب الراتب القطرى بالراتب المصرى مطلقاً
يعنى مثلا الكثير اول مايسمع انه هيقبض 5 الاف ريال يقول الريال ب5 جنيه
يبقى هقبض 5 ضرب 5 يساوى 25 الف جنيه مصرى ده انا اعيش ملك
الكلام ده غلط بشكل كبير جدا ومبدأ كارثى
ليه ؟
لان ببساطه شديده الجنيه ده لمصر والريال ده لقطر فقط
بمعنى ان مصاريفك فى مصر تتناسب مع راتب مصر
وراتب قطر يتناسب مع مصاريف قطر
ممكن توضح اكثر
هقولك مثلا انت مطلوب منك فى مصر او قطر 3 حاجات اساسيه
الاكل و السكن و المواصلات
هتكلم فقط عن السكن
السكن نوعين عازب او عائلى
اقل سكن عازب فى قطر لو مشاركه مع اشخاص فى غرفه حوالى 600 ريال
ممكن تزيد على حسب كل ما عدد الافراد فى الغرفه يقول وتجهيز الغرفه مفروش او بدون او مكان السكن او النت والمياه والكلام ده وبتوصل الغرفه الى 2000 ريال احيانا
قطر مصفنه انها من اعلى الايجارات مع الامارات غير السعودية الارخص
طيب خد اقل سكن 600 ريال ضرب 4 يساوى 2400 جنيه مصرى
يبقى سكن الشير فى غرفه مشتركه فى قطر يساوى ايجار شقه ممتازه فى مصر
طيب انا عايز احجز نفس مميزات الشقه الممتازه دى بس فى قطر
ايجار الشقق الممتازه فى قطر يبدأ من 5 الى 10 الاف ريال قطر
يعنى حوالى من 25 الف مصرى الى 50 الف مصرى فى الشهر
انت متخيل لما تقول لحد كده هيقول عليك ايه او يتخل انك قاعد فين
ده انت حتى لو قولته انا قاعد فى شقة عادية جدا غرفه وصاله ومطبخ وحمام واحيانا الصاله عباره عن طرقه بيكون سعرها مش اقل من 3000 ريال يعنى 15 الف مصرى
بردة متخيل هيقول عليك ايه صاحبك المصرى او انت نفسك قبل ماتسافر
هيسمع المبلغ بس ومش هيركز ان الشقه اصغر من شقق اسكان مبارك 63 متر والحوائط تقسيم جبسون بورد خشب يعنى . مش هيركز مع كل ده انما هيركز مع المبلغ بس وهيقارنه بمصر ودى مشكله كبيره بتواجهه اى حد جديد فى موضوع السفر
علشان كده ابسط الطرق لما تتناقش مع حد فى موضوع السفر ده تعمل الاتى
اول حاجه تقوله الراتب كام ؟
تانى حاجه مصاريفك كام بتكلفه هناك ؟
مش تكلفه مصر ومش يقولك انا هقدر احوش واعيش زى عبد الغفور البرعى مش هينفع ومش هيقدر لان المصاريف دى اجبارى ؟
كده عندك رقمين الوارد والمصاريف وتطرح ده ناقص ده وتشوف الفرق هل ينفع تحوشه ويكون مجزى ليك او لا ؟
مش تكلفه مصر ومش يقولك انا هقدر احوش واعيش زى عبد الغفور البرعى مش هينفع ومش هيقدر لان المصاريف دى اجبارى ؟
كده عندك رقمين الوارد والمصاريف وتطرح ده ناقص ده وتشوف الفرق هل ينفع تحوشه ويكون مجزى ليك او لا ؟
ونقطه مهمه اوى هتسمعها كتير تشوف نفسك بعد 5 سنوات فين ؟
يعنى شاب اعزب ممكن يقول انا اقدر اعيش سكن عزاب و و و
ومش فارق معاه انه يحوش حاجه لان مرتبه ضعيف والسكينه سرقاه وعايز يجرب الغربه
انما بعد سنه او 2 او 5 عايز اتجوز ؟
منين ؟
هتيجب مراتك ازى وانت ساكن اعزب بالعافيه ؟
مصاريف الاكل والمواصلات هتبقى لعائله مش فرد !!!
ربنا كرمك بعيل او 2 منين !!!!!!!!!!!!!!!!!!!!!!!!!!!!!!
معلش انا هكمل بعدين تحديث 20/4/2017