فى البداية يجب ان نقسم المصاريف الى صفين الصف الاول مصاريف شهرية تصرف بشكل شهرى متكرر ومصاريف اخرى تصرف تقريبا مره او مرتين فى العام ولن نتحدث عن مصاريف الطوارئ لاقدر الله
الصف الاول ( الشهرى المتكرر )
ايجار السكن
مصروف البيت من السوبر ماركت و غسل وكى الملابس وغيرها على حسب الاستخدام
فواتير هاتف وانترنت
فواتير مياه وكهرباء
بترول سيارة وغسيل السياره و رسوم الموقف ان وجدت
الخروج والفسح
بعد ما تخلص حساب مصاريف الشهر اجمعها كلها واضربها فى 12 يبقى ده مصروفك الشهرى بالسنه . استنى لسه !!!
الصف الثانى ( مره او مرتين فى العام / غير متكرر )
تذاكر السفر
مصاريف الاجازة فى بلدك
مصاريف السياره (تجديد ترخيص - تصليح - تغير زيت )
مصاريف تعليم (رسوم الدراسه و الكتب و المواصلات والدروس )
فواتير مياه الشرب
هدايا
مصاريف مناسبات
لو فيه مصاريف تانيه ضفها هنا
اجمعها كلها واقسمها على 12 يبقى ده مصروف شهرى اضافى بس غير معلن او محسوب . احنا بقى هندخله فى الحساب علشان نعرف بالظبط مصروفنا كام فى السنه .
مثال لو بتقبض 10000 فى الشهر بتصرف شهرى ( الصف الاول اللى حسبناه فوق ) مثلا 7000
وبتصرف سنوى ( الصف الثانى )3000
يبقى انت كده بتصرف فى الشهر 70000 + 3000 = 10000 الراتب كامل ومش هتوفر او تحوش حاجه بالعكس انت هتبقى مديون لان غالبا فيه مصاريفك هتزيد او هتحصل حاجه مش عامل حسابك عليها .فلازم تراجع مصاريفك او اسلوب الحياه .
هى دى الطريقه الصح علشان تعرف ان دخلك او مرتبك هكفيك او لا خلال السنه مش بالشهر . بلاش تحسب بالشهر وخصوصا لو معاك اسره ومتزوج ولديك اطفال وتعمل كمان حساب التغير اللى بيحصل كل فتره .
لو راتبك يغطى مصاريف خلال 5 سنوات يبقى هتقدر تدخر ويبقى وضعك افضل لو مفيش ادخار ايضا وضعك الحمد لله افضل من غيرك ولكن عليك ان تسعى لتأمين نفسك بمحاولة ترشيد النفقات والتقليل منها او البحث عن مصدر اضافى للدخل .
الحاله الاخيره اذا كان دخلك لايكفيك لاتستمر بنفس الطريقة لانك ستصبح مديون وديونك ستزيد غير من طريقه حياتك .
شارك معنا برأيك