فى البداية يقوم صاحب المشروع او المحل او الشركة بالتقدم للجهه المسئوله عن الموافقات لاصدار تصريح عمل زى كده الموارد البشريه وزارة العمل المسئوله عن تنظيم اعداد الموظفين و بيكون عندها جداول واحصائيات
-عندنا كام مهندس وكام دكتور وكام مدرس وكام عامل وكام .....
-عندنا من الجنسيه دى كام والجنسيه دى كام
-الوظائف اللى بيشتغلها المواطنين ايه وكام واحد شغال فيها
- وظائف محتاجينها فى المستقبل ووظائف هنلغيها فى المستقبل
يعنى كل حاجه عباره عن ارقام ومتسجله و خصوصا لو فيه نظام اليكترونى قوى زى هنا
المهم وزارة العمل او الموارد البشريه دى بتستلم الطلب من صاحب المحل وبتشوف مثلا
صاحب مطعم صغير
طالب معلم شاورما وخباز و و كاشير و محاسب و ومدير مالى و 2 ويتر و 3 عامل نظافة وسائق و دكتور ومهندس
الموظف المسئول هيشوف الطلب هيرفض الدكتور والمهندس طبعا لان ليس لهم صله بالنشاط
وهيشوف حجم المطعم او المحل لو صغير هيقلل الاعداد وهيدمج وظائف مع بعض زى المحاسب مع المدير المالى
تانى خطوه بيروح يفتح السيستم يشوف كل وظيفه فيه منها جنسيات ايه متوفره لان كل جنسيه لها حد معين الرقم ده هو بيلتزم بيه انما مع الوقت ممكن يصدر تعليمات الرقم ده يتحرك شويه لفوق او لتحت يعنى زياده او نقصان وحسابات اخرى زى اللغه و الدين و مستوى الثقافه وغيره
بعد الموافقه على الوظائف المطلوبه بعد التعديل
بيكون لدى صاحب الشركه او المحل تأشيرات عمل جاهزة
صاحب العمل بيختار المناسب له بناء على علاقاته او شركات توظيف او هو بيسافر يعمل مقابلات او اعلانات على النت لها اكثر من طريقه وبعدين بيسجل اسم اللى بيختاره على التاشيره من خلال نظام العمل والجوزات " سمه دخول للعمل "
الموظف بيدخل على موقع وزاره الداخليه يشوف التأشيره ويطبعها ويحجز طيران ويسافر
لما بيوصل بيكمل باقى الاجراءات اللى هى الفحص الطبى و البصمه فى خلال 3 شهور زى ما مكتوب فى التاشيره
لو فيه مشكله ممكن يترفض وصاحب العمل يغيره
لو مفيش مشكله صاحب العمل ملزم انه يشتغل على حسب بنود التعاقد
علشان كده لازم تركز على تفاصيل العقد مهم جدا
بعدين بتصدر له الاقامه برقم شخصى - كارت الاقامه
الاقامه دى بتجدد اما كل سنه او 2 او 3 على حسب طبيعه الموظف وجهه عمله وجنسيته وطريقتها سهله جدا
تجديد الاقامه بيحصل والموظف داخل البلد
توجد غرامه اذا تجاوز المقيم 6 اشهر خارج البلد حوالى 500 ريال
واذا انتهت اقامته وهو خارج الدوله بتسقط الاقامه ويجب على مندوب شركته تقديم طلب عوده مقيم واحتمال الرفض وارد
شارك معنا برأيك