دلوقتى فى #مصر تقدر تعرف ارقام الخطوط اللى مسجله على اسمك بدون النزول لمصر والذهاب لفروع شركات الجوال للاستفسار
طيب انا هستفيد ايه لما اعرف كده و اوقف الخطوط اللى متسجله باسمى ومعرفش عنها حاجه ؟
ببساطه لازم تكون عارف ان خط التلفيون دلوقتى اصبح مرتبط برقم البطاقة المصرى يعنى يعتبر زى توقيعك كده فالرقم ده تقدر تستقبل عليه اكواد تفعيل وتأكيد اى خدمه الكترونية علشان تعملها عن طريق التلفيون
زى المعاملات البنكيه او الخدمات الحكوميه وغيرها وغيرها
يعنى بالظبط كده اكنك روحت مكان الخدمه وطلبتها بنفسك
شوف انت لما حد يستغل رقمك اللى متسجل باسمك لانه مربوط بالبطاقة الشخصيه ويعمل حاجات غلط او شمال زى مابتقولوا
كأنك بالظبط روحت معاه وعرفت عن نفسك وطلبت الخدمه الشمال دى باسمك وبالبطاقة
مئات الجرائم اللى ممكن تتعمل من اول السرقه والنصب وغسيل الاموال لغايه ان حد يشتم حد تانى على النت او يعمل صفحة ويسجل رقم متسجل باسمك ويعمل بيه مصايب
ياعم سهله هثبت انى مليش علاقة بالموضوع وابسطها انى مقيم بالخارج ومعايا مايثبت
حبيبى انت ممكن يكون عليك قضيه من غير ماتعرف وتنزل مصر تلاقى عليك حكم او تيجى تسافر تلاقى عليك منع سفر او ابسط شئ استعلامات فى المطار تضيع عليك الرحله ده غير البهدله
طيب والحل ؟
دلوقتى وزارة الاتصالات فى مصر عملت تطبيق على الموبايل My NTRA تنزله وتسجل عليه وتدخل تكشف على نفسك من خلال رقم البطاقة وتشوف عندك كام خط لو خطوك بس المتسجله عليك وانت عارفها يبقى حظك حلو
لو لقيت خطوط تانيه سجلها وفى اقرب فرصه لما تنزل اجازة روح فرع الشركه نفسها صاحبه الخط والغى الخط
بلاش تتصل على الرقم وتقوله انك هتوقف الخط لانه لو بيعمل حاجه غلط هيعلمها اكبر وباسمك ولو هو مايعرفش يبقى يروح يرجع الخط بالبطاقة بتاعته ماهو متسجل فى الشركه
طريقة الاستعلام عن الخطوط المسجلة باسمك في شركات المحمول بالرقم القومي
وحسبما أوضح الجهاز القومي لتنظيم الاتصالات في مصر اطلاق تطبيق على الموبايل My NTRA حيث يستطيع مستخدمي المحمول في مصر التسجيل واستخدامه التطبيق لتقديم الشكاوى أو الحصول على عدة خدمات من بينها خدمة الاستعلام عن خطوط المسجلة في شركات المحمول بالرقم القومي عبر خدمة أرقامي لمعرفة عدد الخطوط المسجلة باسم العميل لدى كل شركة من شركات المحمول في فودافون أو اورنج او اتصالات أو المصرية للاتصالات كالتالي :-
1-حمل تطبيق my ntra من متجر جوجل بلاي ستور أو ابل ستور .
2- قم بعمل حساب جديد برقم المحمول الخاص بك.
3- بعد تفعيل الحساب سجل دخول للتطبيق ومن ثم اذهب إلى خدمات الافراد “خدمة ارقامي”.
4- قم بكتابة الرقم القومي الخاص بك لمعرفة عدد خطوط المحمول المسجلة باسمك ببطاقة الرقمي القومي لدي شركات المحمول.
طريقة معرفة الرقم المسجل باسمك ببطاقة الرقم القومي بشركات المحمول
– حاليا يتيح التطبيق الاستعلام عن عدد الخطوط المسجلة فقط.
– في حالة وجود خط مسجل باسمك بدون معرفتك مجهولة لك قم بالتوجه إلى فرع شركة المحمول ببطاقة الرقم القومي للاستعلام عن هذا الخط واختيار القرار المناسب سواء الحصول على هذا الخط بعمل شريحة جديدة أو ايقاف الخط تماما.
– في حالة رفض الشركة اعلامك ببيانات الخط المسجل باسمك يمكنك تقديم شكوي للجهاز القومي لتنظيم الاتصالات وحفظ حقك القانوني حيث يقوم الجهاز بالتواصل مع الشركة لحل الشكوى خلال 5 ايام عمل.
خدمة نقل رقم المحمول من شركة إلى اخري
كما يتيح تطبيق ntra امكانية تتبع طلب خدمة نقل رقم خط المحمول من شركة إلى اخري وذلك بعد تقديم طلب التحويل بين شركات المحمول بنفس الرقم في فرع شركات المحمول كما أوضحنا من قبل هنا حول كيفية تقديم طلب نقل خط المحمول لشركة ثانية سواء فودافون أو اورنج أو اتصالات أو المصرية للاتصالات وذلك خلال 24 ساعة من تقديم الطلب.
تحديث جديد دلوقتى كمان تقدر تعرف المحافظ المالية المسجلة باسمك على الخط
هذا ويمكن للمستخدمين تحميل تطبيق الجهاز القومي لتنظيم الاتصالات My NTRA لمستخدمي أنظمة تشغيلAndroid من خلال المتجر الالكتروني Play Store على الرابط التالي:
ويمكن للمستخدمين تحميل التطبيق لأنظمة تشغيل iOS من خلال المتجر الالكتروني App Store على الرابط التالي:
كما يمكن التواصل على رقم 155 للاستفسار عن خدمات ومزايا التطبيق التفاعلي للجهاز القومي لتنظيم الاتصالات My NTRA.
شارك معنا برأيك