فى ظل جائحة كورونا اصبح الان استخدام التكنولجيا ضروروة اجبارية مع انها تسهل الكثير من امور حياتنا فى الاوقات العادية ولكن اجبرت العديد من الحكومات والبنوك والشركات على تسريع وتيره التحول التكنولجى مما ساهم فى تبسيط وتسهيل الاجراءات واليوم سوف نحاول ان نساعدكم فى معرفة طريقة التحويل من خلال شركة ويسترن يونيون لتحويل الاموال من قطر الى مصر
فى البداية يجب ان تعلم ماهى مميزات وعيوب كل طريقة او شركة وتحدد المفيد لك على حسب ظروفك
ومن اهم مميزات شركة ويسترن يونيون هى السرعة حيث ان من المفترض ان تصل الحوالة فى خلال ساعتين و انتشار فروعها لانك ممكن ان تستلم من اى فرع وعدم اشتراط وجود حساب بنكى للمستلم او المرسل بمجرد الاسم الرباعى فقط
سوف نشرح التحويل بالخطوات حتى تصل الصورة كاملة وبسيطه وبالتدريج
البداية كمثال تحويل مبلغ اقل من 2000 دولار = 7000 ريال قطرى تقريبا
من خلال اتصال بالمستلم والسؤال عن اقرب فرع لديه والحصول على صورة من جواز السفر لانه يحتوى على الاسم باللغة الانجليزية . ومناقشه هل يريد استلام المبلغ بالجنية المصرى او بالدولار
ثانيا تبدا عملية التحويل من خلال الاحتمالات الاتية
1-تطبيقات البنوك العاملة فى قطر واشهرها تطبيق بنك قطر الوطنى QNB او التجارى
2- تطبيق ويسترن يونيون او انشاء حساب على موقع الشركه نفسه
3- تطبيقات شركات الصرافة مثل تطبيق دار
4-من خلال زيارة شركات الصرافه التى تحتوى على مكتب ويسترن يونين
انشاء الحساب يتطلب ادخال بيناتك الاساسيه (المرسل ) واذا كان تطبيق البنك الخاص بك تنتقل الى تسجيل بيانات (المستلم ) مباشرة وهو الاسم الرباعى كما ذكرنا سابقا من خلال صورة جواز السفر للمستلم
الاسم الاول : اكتب الاسم الاول والثانى
الاسم الاخير اكتب الثالث والرابع وهكذا
السبب فى ذلك ان البطاقة المصرية لاتحتوى على الاسم بالانجليزى والسيستم قد لايقبل الاسم بالعربى
بمجرد تسجيل اسم المستلم سوف يتم حفظة على التطبيق ولن تحتاج ادخاله فى المرات القادمة
هناك خانة الجهة او الدولة
هناك خانه عن سبب ارسال المال
عائلى family –
الموضوع ده ورتينى اختار اقرب حاجه تعرفها
فيه كمان خانه عايز المستلم يستلم بالجنية ولا الدولار ودى مهمه لانه هيستلم زى مامكتوب فيه اما دولار او جنية
وخانة المبلغ
Send المرسل او Receive المستلم و هو يسئل لتسهيل العمل عليك فقط اخبره بالمبلغ التى تريد ان ترسله او المبلغ الذى يستلمه الاخر وهو يقوم بالخصم
الخصم يتم من خلال اختيارك رقم حسابك او رقم بطاقة البنك فى البداية
مع ملاحظة اختلاف الخانات والبيانات المطلوبة من تطبيق لاخر ودوله واخرى ولكن هذه اهم البيانات المطلوية
بعد كده هيبعت لك رساله فيها كود هترسله للمستلم وهو هيروح يستلم بجواز السفر والكود ده بعد ساعتين من اقرب فرع
كام بكام ؟
هنا بقى اهم نقطه وهى رسوم التحويل او الخدعة كما يحدث
لازم نبقى عارفين ان هنا فيه حاجتين هما اللى بيحددوا تكلفة التحويل ونركز فيهم
الاولى وهى رسوم التحويل
وغالبا بتكون معلنه اوثابته ودى اللى عليها العروض بدل 40 ريال مثلا يقولك 15 ريال او مجانا وهذه المفروض لايتم مضاعفتها على الصفقة او التحويله الواحدة
يعنى مثلا البنك المركزى للدولة محدد ان التحويله الواحدة للافراد بقيمة 10000 ريال قطرى او 2000 دولار يبقى كده لو المبلغ يساوى او اقل هتدفع رسوم التحويل وهى حاليا 15 ريال
انما لو عايز تحول اكثر من كده و الحد لايسمح يبقى الموظف او التطبيق هيعملك التحويله على جزئين وهتدفع الرسوم مرتين 15 +15 = 30
وهكذا
خد بالك ان فيه حاجه اسمها الحد الاقصى للعملية الواحده وفيه كمان حد اقصى للعمليات فى اليوم الواحد او الاسبوع او الشهر على حسب كل دولة ودى بتكون فى دولة المرسل انما المستلم يقدر يستلم اى مبلغ مره واحده
الحاجة الثانية اللى معظمنا مش بياخد باله منها وهى سعر العمله
حضرتك بتشترى وتبيع عمله وكل ماتشترى غالى انت خسران وكل ما المبلغ اللى بتحوله بيكبر انت بتخسر اكتر
مثلا
سعر الدولار فى قطر ثابت وعارفين انه 3.65
انما لو عملت تحويل ويستريونين هيحسبه 3.72
الفرق ده فى 500 دولار يساوى 22 ريال = 6 دولار = 100 جنية تقريبا
الفرق ده فى 1000 دولار يساوى 44 ريال
يعنى كل الف دولار هتحولها هتدفع عليها
44 ريال = 12 دولار = 200 جنية تقريبا
يبقى كده الاجمالى كام
رسوم التحويل على المرة الواحدة 15 ريال
سعر التحويل على 1000 دولار 44 ريال
الاجمالى59 ريال
يعنى كل مبلغ عايز تحوله لازم تراعى
رسوم التحويل .... مجانية - 15 - 40 ريال
و سعر التحويل ... فى البنك او الشركة التى هتقوم بالتحويل
-----------------
قابل للتعديل والتحديث
شارك معنا برأيك