من خلال أحدى المواقف التى تمت بالفعل مع أحد المصريين فى قطر يروى فيها تفاصيل حجز العمره من مصر اثناء وجودة فى قطر واستخراج التاشيرة وحجز الطيران والفندق وماحدث معه بالتفاصيل واسعار الحجز واليكم التفاصيل لمعرفه الطريقة
التفاصيل كالتالي :
١- اتواصلت مع شركة سياحة موجوده في مصر واتفقت معاهم علي اصدار التاشيرة فقط وانا هحجز طيران وفندق لنفسي
٢- اتفقوا معايا علي ما يعادل١١٠٠ ريال سعودي ثمن التاشيرة والتامين الصحي
٣- خلال ٤٨ ساعه صدرت التاشيرة فعلا وانا طبعتها لنفسي من علي موقع وزارة الخارجية السعودية (يعني مفيش تأشيرة بتتحط في الجواز ، التاشيرات بقت اون لاين)
٤- حولت للشركة مت يعادل ١١٠٠ ريال سعودي من خلال الويسترن يونيون
٥- بدأت احجز فندق من خلال موقع بوكينج . كان الحجز عامل ٨٠٠ ريال خمس ليالي + ١٠٠ ريال ضريبه لكن بفضل اللع اتواصلت مع الشركة وسألت عن الحجز في نفس الفندق اللي كنت عاوز احجز فيه وقالولي ان الحجز هيكلفني ٣٠٠ ريال وبالفعل خلتهم يحجزولي وبعتلهم الفلوس من خلال ويسترن يونيون
٦- سألت الشركة عن سعر تذكرة الطيران في التوقيت اللي عاوز اروح فيه ، لكن لقيت سعر الشركة اغلي من الحجز علي النت ، فحجزت لنفسي علي الكويتيه (ساعه ونصف ترانزيت اثناء الذهاب- وساعتين ترانزيت اثناء العودة) وكلفتني ١٨٠٠ ريال قطري
٧- سافرت وأحرمت من مطار الكويت اثناء فترة الترانزيت وبعدين وصلنا مطار جده ، ختمت دخول في اقل من دقيقه بدون اي اسئلة او مشاكل.
٨- اخدت تاكسي من قدام مطار جدة لمكة
٩- عملت العمرة وخلصت وكله تمام
١٠- اثناء العودة(اول امبارح) ختمت خروج من السعودية بدون اي اسئلة وبدون اي مشاكل.
اللي عاوز اقوله ان التاشيرة بقت اون لاين خلال ٤٨ ساعه وعادي انك تطلعها من شركة موجودة
شاهد ايضا ... تتبع رحلة الطيران مباشر مجانا
شارك معنا برأيك