السلام عليكم ورحمة الله وبركاتة
بخصوص الاستفسارات عن التدريس فى
قطر (كوظيفة )
فى البداية وقبل قرائة الموضوع يجب الاطلاع على مصاريف الاقامة فى قطر لتحديد المناسب لك
تعتبر قطر دولة رائدة فى مجال التعليم بسبب الامكانيات الكبيرة
التى توفرها الدولة لمجال التعليم ولذلك وصلت للمركز السادس على مستوى العالم فى
جودة التعليم بسبب بند الانفاق على التعليم و الاجور المرتفعة والامكانيات المتاحة
ويعتبر المصريين من اكبر الجاليات العاملين فى مجال التعليم فى قطر لذلك سيكون الاهتمام بهذه المهنه كبيرا
انواع المدارس فى قطر
النوع الاول : المدارس المستقلة
هى مدارس حكومية انشئت فى الفترة
من 2008 كمرحلة جديده للتعليم فى الدولة بعد الغاء وزارة التعليم
وانشاء مايسمى المجلس الاعلى للتعليم الذى استمر الى نهاية العام الماضى تقريبا
2014 وعادت مره اخرى مسمى وزارة التعليم والتعليم العالى والغاء مسمى المجلس الاعلى للتعليم
كانت ادارة المدارس اثناء وجود المجلس الاعلى للتعليم خاضعة لمدير
المدرسة وفريق عمله وتحصل على دعم كبير من
الدولة وتدريب من خبراء اجانب فى بداية الانشاءو كان متوسط الرواتب متفاوت فى البداية ثم جاء توحيد الرواتب مؤخرا
واصبح 15600 ريال شامل السكن والمواصلات
@@الرجاء مراجعة مصاريف المعيشة فى قطر
قبل الحكم على الراتب مناسب او لا
بعد الغاء المجلس الاعلى للتعليم وعودة الوزارة لم يتغير وضع
المعلم حتى الان ولكن اصبحت الادارة
مركزية مره اخرى للوزارة وتقلصت بشكل كبير مسئوليات مديرى المدارس الذى كان يطلق
عليه صاحب الترخيص ايضا واصبح التوظيف مركزى
التوظيف : هذا العام لم يتم التوظيف من خارج قطر ولكن التوظيف فقط
للموجود داخل قطر وبذلك تم اعادة توزيع المدرسين على مدارس اخرى وجديدة
يتم التوظيف عن طريق الموقع الاليكترونى للوزارة ويجب الاستعداد
جيدا بصور الشهادات والخبرات
تنحصر المتطلبات فى وجود تقدير جيد او جيد جدا – ICDL – خبره اكثر من 3 سنوات
لايوجد تميز حتى الان للدراسات العليا الماجستير والدكتوراه والدبلومات
يوجد ملف مهنى له معايير وشروط ويصرف لها حافز شهرى على حسب مبتدئ
او خبرة ولكن عليه كلام
ملحوظة : بعض المدرسين قدموا استقالات وانتقلو لعمل اخر داخل
الدولة او نزلو مصر نهائى وذلك لعدم قدرتهم على التعامل مع طبيعة الطلاب فى بعض
المناطق بالدولة
النوع الثانى : المدارس الخاصة
مدارس الجاليات والجنسيات الاخرى ودى مرتبتها ضعيفه مقارنه
بالمدارس الحكوميه
متوسط من 3 الى 7 الف ريال ولكن هذه المدارس يعتمد فيها المدرس
بشكل كبير على الدروس الخاصة
وتخضع لادارة المدرسة فى المعاملة وتحديد الرواتب
المدارس المصرية : القاهرة - المصرية
النوع الثالث : المدارس الدولية
مدارس عالمية تشمل اسماء لمدارس عالمية كبيرة ولذلك تكون مرتبتها
مرتفعه جدا ومصاريفها وكل حاجه
مصاريف الدراسة يصل الى 50 : 80 الف فى السنه
الرواتب من 15 : 50 فى الشهر
وعلشان كده التعين فيها بيكون لجنسيات اجنبية او عرب معاهم جنسيات
اجنبية
النوع الرابع : مراكز الدروس
مراكز الدروس والسناتر زى مابيقولو عليها ودى ملخصها هتشتغل الصبح
وبالليل ومرتبها تعبان والسكن تعبان وهيطلع عينك ولو فاكر نفسك هتعمل ناصح ودروس وكده مش هتعرف وهيحصلك مشاكل معاهم
والدروس الخارجية بتكون بالنسبة بينك وبين السنتر
لاتحتاج اى مناقشة بلاش افضل
النوع الخامس : مؤسسات شبة حكومية تجمع بين الدولية وانفاق حكومى زى العوسج والشفلح واكاديمة القادة
انواع الوظائف فى المدارس المستقلة
يمكن الاطلاع على كافة الوظائف المتاحة من خلال الرابط اضغط هنا
والتنقل بين فئة الوظيفة و الوظيفة
فئة الوظيفة 3 انواع ( اكاديمي - ادارى - وزارى )
عايز اشتغل تجهز ورقك وتقدم على الموقع ولو موجود فى قطر تروح المدارس وتترك السيرة الذاتية
وتحاول تعرف هل يوجد شواغر مستقبلا او حاليا او لا بالمدارس
الية التوظيف : فى حالة العجز او الطلب من المدرسة بتدخل على نظام الاليكترونى للوزارة وبتختار الاسماء المرشحة
الاسماء دى بتكون قدمت على موقع الوزارة وبعدين عملت امتحان ونجحت فيه
كل عام نظام الاختبار بيتغير هو غالبا بعد التقديم بتاخد رقم بيتصلوا عليك او بتصل لك رساله بموعد مقابله
ثم اختبار من 50 سؤال اختيارى فى التخصص واختبار تربوى اوختبار لغه للمدرسين
بعد كده بيتم ترشيحك على النظام الاليكترونى
علشان كده بقولك لازم تكون عارف المدارس اللى محتاجه علشان تزود فرصك ان اسمك يختاروه
بالنسبه للوظائف غير المدرسين التقديم فى المدارس والتسجيل على الموقع وبتكون اسهل كتير من التدريس
لاتتعجب لو قابلت او سمعت عن مدرس قدم استقاله او نقل لوظيفة اخرى
يستكمل
